SA ESTADOS UNIDOS – Hugot ang security nga ginpatuman sang Washington sa pagbisita ni President Ferdinand Marcos Jr sa Estados Unidos kahapon.
Sa interview sang Bombo Radyo kay Filipino Association of Bahamas Leader Florita Viterbo, nakit-an mismo sini ang husto nga preparasyon sang Washington sa pag-abot sang presidente sang Pilipinas.
Apang, wala man nagpaulihi ang Embahada sang Pilipinas sa ila nga mga preparasyon.
Suno diri, hugot ang security sang Estado nga wala sang makadali-dali nga makasulod sa event kun wala naka-register.
Dugang pa niya, madamo sang nakatambong sa event apang madamo sang luyag nga makasulod nga wala na nahatagan sang tyansa.
Samtang, nagdangat sa kapin 2,000 ang numero sang mga nagatrabaho sa Bahamas bilang domestic worker, doctor, accountant, chefs, kag mga nagratabaho sa machineries.
Ginalauman sini nga matigayon ang plano sang gobyerno sa nagapanguna nga problema; ang human trafficking.
Samtang suno kay Bombo International Correspondent Grace Divina Valera direkta sa Washington, madamo sang nagtambong sa event apisar nga nagadangat sa tatlo tubtob apat ka oras sila nga naghulat antes magsugod ang programa.
Suno diri, hugot ang security nga ginpatuman gani apisar nga nakaligad nga lima ka adlaw ini nga gin-invite, kahapon lamang nahatag ang exact nga oras kag lugar para sa meet and greet sang presidente.
