President Ferdinand “Bongbong” Marcos Jr, nagapanawagan nga likawan ang paggamit sang eskwelahan bilang evacuation center sa tion sang kalamidad

Nagapanawagan si President Ferdinand Marcos Jr. nga likawan kuntani nga gamiton ang mga buluthuan bilang evacuation centers sa tion sang kalamidad.

Ini matapos nga nangin layi ang Ligtas Pinoy Centers Act nga nagatalana sang pagpatindog sang mga evacuation centers sa tagsa ka ciudad kag banwa sa bug-os nga pungsod.

Suno kay Marcos, ang mga eskwelahan ang nagaserbe nga lugar sang kinaalam kag pagka-creative gani dapat nga mapabilin ang maayo nga kondisyon sang mga gamit para sa ikaayo sang mga estudyante kag pag-improbar sa education system.

Madugay naman ini nga ginaapelar sang Department of Education kag subong nga may layi na para sa pagtukod sang evacuation centers, malikawan na nga usaron ang mga eskwelahan sa tion sang kalamidad.