Ginpahayag ni President Ferdinand Marcos Jr. nga dapat mangin preparado ang Pilipinas kadungan sang pagdamo sang external threats bangud sa mas ginpasanyog nga geopolitical tension sa Indo-Pacific.
Si Marcos ang naghambal sa atubang sa mga miyembro sang 5th Infantry Division sang Philippine Army sa Camp Melchor dela Cruz sa Gamu, Isabela kun sa diin iya ginpahayag nga ang lokasyon sang Pilipinas, nga malapit sa Taiwan, ang nagabutang sa pungsod sa area of interest sang China.
Gani importante nga ang northern part sang Pilipinas ang preparado sa maskin ano nga eventuality.
Suno diri, nangin makahalangawa na ang external threat sa Pilipinas gani ini ang dapat preparahan.
Suno sa iya, ang mission sang 5th Infantry Division ang nagacover naman sa territorial defense nagikan sa external threats.
Ginpahayag man sini nga apisar nga wala sang may ginakuha nga maskin ano nga teritoryo ang Pilipinas, dapat magpanumdum ang liderato sini kag magcommit agud depensahan ang teritoryo sang pungsod.
