Ginalauman ang pag-abot ni President Ferdinand Marcos Jr, sa pag-award sang housing unit sa Yuhum Village sa Arao relocation Site sa Barangay Vista Alegre kun sa diin ini ang pinakauna sa bug-os nga Pilipinas nga maga-comply sa direktiba sang presidente sa flagship programs sini nga Pambansang Pabahay Para sa Pilipino Housing (4PH) Program.
Sa interview sang Bombo Radyo kay Councilor Vladimir Gonzales, chairperson sang Committee on Housing, December 20 natalana nga hiwaton ang pagturn-over sang housing units sa mga benepisyaryo.
Ini ang isa ka 4 storey building sa 6 hectares nga duta.
Nadesisyonan naman nga magabayad sang P2,300 nga payment kada bulan ang mga benepisyaryo sang housing unit nga mas manubo kumapara sa una nga plano nga P3,800 nga suno sa alkalde sang ciudad nga si Bacolod City Mayor Alfredo Albee Benitez, panubuon ang balayran para sa mga kauturan nga wala sang sarang nga magtukod sang ila puluy-an.
Pahayag ni Gonzales, ang Yuhum Village may yara sang basketball court, parking area kag commercial space kasubong man ang swimming pool kag playground nga luyag pangalanan sang ciudad nga Marcos pool kag Marcos park and palyground.
Posible nga mangin handa na ang pagturn-over sang housing unit sa Disyembre 20 kag ini gina-ekspektaran nga pagatambongan ni President Marcos bangod ini ang pinakauna nga housing program nga ma turn-over sa idalom sang iya Pambansang Pabahay Para sa Pilipino Housing (4PH) Program sa bug-os nga Pilipinas.
