Nagpanawagan si President Ferdinand Marcos Jr. sa mga ahensya sang gobyerno nga siguruhon nga makalab-ot ang bulig sa tanan nga nagakinahanglan ilabi na sa mga isolated areas sa tunga sang pagbaha tuga sang Southwest Monsoon kag Typhoon Carina.
Suno kay Marcos, ginmanduan sini ang Department of Social Welfare and Development (DSWD) kag Office of Civil Defense nga magfocus sa mga areas nga sa karun isolated bangud posible nga madamo na ang wala nakakaon sang pila ka adlaw bangud sa baha.
Preparado naman ang igapanagtag nga bulig bangud critical ang sitwasyon.
Nagahatag man sang assistance sa mga yara sagwa sang evacuation centers kag ini ang magapadayon.
Ginatugyan naman sang Presidente ang desisyon sa pagdeklarar sang state of calamity sa otoridad sang mga local chief executives.
