Ginpangunahan ni President Ferdinand R. Marcos Jr. ang pagtsekyar sang water intake facility sa Sum-Ag Water Treatment Plant (SWTP).
Gin-inspect sang presidente ang treatment process, lakip na ang flocculation area, clarifier tanks kag automated chemical dosing facility.
Ang pasilidad nagakuha sang tubig sa Sum-Ag River sa Barangay Abo-Abo, Murcia, agud makadugang sang supply sa Bacolod City kag malapit nga area.
Ang SWTP ang gincommision sang Bacolod Bulk Water, Inc. (BBWI) nga subsidiary sang Tubig Pilipinas Group, Inc.
Sa speech ni Marcos, ang SWTP isa sa mga dalagko nga water treatment sa rehiyon kag nagaserbe sa ciudad sang Bacolod para sa long term water security.
Suno diri, ginalauman nga makasupply ang SWTP sang tubig tubtob sa 75 million liters per day (MLD) kun sa diin kapin sa 100,000 ka panimalay ukon milyones ka mga residente ang makabaton sang serbisyo.
Ginpasalamatan sang presidente ang tanan nga nagbulig sa pagtukod sang pasilidad kag nagalaum ini nga mangin pahanumdom ang SWTP sa tanan nga magbuligay para sa tayoyon nga pag-ilig sang tubig kadungan sa pagtukod sang bagong Pilipinas para sa tanan.
