Kadungan sang ika-56 nga annibersaryo sang Bombo Radyo Philippines, gin-imbita sang president kag chief executive officer sang network ang mga tagpalamati nga maglaom sang isa pa ka tuig sang masaligan nga source sang impormasyon, makusog nga content, patas kag independent nga panan-awan, maisog nga mga komentaryo kag mga programa nga naga-edukar kag naga-entertain kadungan sang pagpartner sang Bombo Radyo sa local kag international news correspondents sa bilog nga kalibutan agud ideliver ang mga current events direkta sa radio, mobile ukon wireless devices kag sa internet.
Sa speech sang president kag chief exective officer sang network nga si Ms. Margaret Ruth C. Florete, ginpasalamatan sii ang mga avid listeners kag viewers sang Bombo Radyo Philippines nga nag-upod sa journey sang network sa nagliligad nga mga tinuig.
Suno kay Florete, ang annibersaryo ang oportunidad agud irecollect ang mga memories sang nagligad nga tuig kag icherish ang mga ini liwat.
Suno sa iya, makabig nga notable year para sa Bombo Radyo Philippines ang tuig 2022 bangud sa madamo nga mga rason.
Gindumdum sini ang pag-initiate sang network bangud sa blessings sang founder nga si Don Marcelino Florete sang 1966 kag ginpasa sa anak sini nga si Dr. Rogelio M. Florete, nga amu ang amay ni Ms. Margarete.
Suno diri, bangud sa efforts ni Dr. Rogelio Florete, nag-expand ang network sa 31 ka makusog nga AM kag FM stations kag padayon s akarun nga nagatubo kag naga-operate sa bilog nga pungsod tubtob nga nalab-ot na sa karun ang 56 ka tuig.
Sa nagliligad nga mga tinuig, ang Bombo Radyo Philippines ang nag-agi sa dalagko nga mga pagbag-o kaangay sang digitalization, production restructuring kag global reach.
Bangud sa nasambit nga development, ang network ang mas nangin accessible kag mas efficient pa sang sa nagliligad.
Nag-adoptar man ang mga network personnel sa padayon nga nagabag-o nga tiyempo kag paagi sa nasambit nga corporate culture kag mindset, ang Bombo Radyo Philippies ang nangin resilient agud malampuwasan ang mga pagpanghangkat sa mga tinuig.
Gin-imbita sini ang mga Ka-Bombo nga maglaom sang isa nanaman ka tuig nga maayo nga serbisyo kag ginpahayag nga na-appreciate sang network ang mga valued listernes kag viewers diri man sa Pilipinas ukon abroad.
Nagapasalamat si Florete sa pag-upod sa network sa extraordinaryo nga 56 ka tuig nga relentless nga pagserbisyo kag pagkabig sa Bombo Radyo Philippines bilang kabahin sang inyo mga adlaw.
