President Marcos Jr., nag issue sang EO No. 93 sa pagsuspend sang importasyon sang regular kag well-milled rice sa sulod sang 60 ka adlaw umpisa bwas

Nag-issue na si President Ferdinand “Bongbong” Marcos Jr. sang Executive Order No. 93 nga nagasuspend sang importasyon sang regular kag well-milled nga bugas sa sulod sang 60 ka adlaw umpisa sa Lunes, Setyembre 1, 2025.

Base sa EO, sakop sa suspension ang mga variety sang bugas nga gina-produce sang mga lokal nga mangunguma.

Magalawig ini tubtob sa Oktubre 30 maluwas nalang kun panubuon ukon palawigon ini depende sa rekomendasyon sang Department of Agriculture (DA); Department of Economy, Planning, and Development (DEPDev); kag Department of Trade and Industry (DTI).

Madumduman nga sini lang nga bulan, gin-anunsyar sang DA nga ini nga tikang ang may tinutuyo nga proteksyunan ang mga mangunguma sa tion sang harvest season.