Ginalauman nga magaistoryahanay sanday Russian President Vladimir Putin kag Chinese President Xi Jinping sa Shanghai Cooperation Organization (SCO) subong nga adlaw, Martes.
Ini ang una nga bes nga paggwa sa publiko ni Putin humalin sang rebellion sang military group nga Wagner nga nagtay-og sang liderato sini.
Mangin virtual ang pag-upod ni Putin sa summit nga pagatambungan sang mga pungsod nga nagasuporta sa Russia, lakip na ang China
Ginalantaw nga hingalitan ini sang Russian president agud ipakita sa bilog nga kalibutan nga nagapabilin nga mapag-on ang iya liderato.
Suno naman sa isa ka eksperto, kadam-an sang mga lideres nga magatipon sa summit ang nagalantaw sa Russia kag China bilang mga modelo sa pagpalakat sang sosyodad bilang authoritarian regimes.
