Ginpahayag sang presidente sang Samahang Weightlifting ng Pilipinas nga mas maayo nga nag-umpisa na sa Batang Pinoy ang mga athletes agud nga ma-ensayo samtang timprano pa.
Sa interview sang Bombo Radyo Bacolod kay Monico Puentevella, halos tanan nga yara sa opening ceremony sang Paris Olympics wala nakaluwas nga mabasa sang ulan apang nangin masanyog kag madinalag-on ang opening nga ginhanda sang France.
Suno diri, nagdangat sa kapin sa lima ka oras ang pagpatigayon sang opening ceremony.
Madamo man sang mga kilala nga atleta kag celebrities ang nagtambong kag ginhatagan sang tsansa nga magpanguna sa ceremony.
Suno kay Puentevella, ang China nakakuha sang pinakauna nga gold medal bangod nga ila na gina-ensayo ang mga bata tubtob nga sila magdako kag mag-intra sa mga hinampang.
Ini man kun tani ang himuon sa Pilipinas kaangay sa Batang Pinoy kun sa diin mahatagan na sang ensayo kag experience ang mga bata nga athletes.
Nagpangayo naman ini sang pagpangamuyo kag pagsuporta para sa Filipino athletes nga magdaog kag makapauli nga may dala nga medalya.
