Ginpa-athag sang abogado nga mahimo sang presidente magpili kun sin-o ang luyag sini nga ibutang bilang caretaker sang pungsod.
Mahibaluan nga matambong si President Ferdinand ‘Bongbong’ Marcos Jr. sa lubong ni Pope Francis kag ang ginbilin sini nga caretaker sanday Executive Secretary Lucas Bersamin, Justice Secretary Jesus Crispin Remulla, kag Agrarian Reform Chief Conrado Estrella.
Sa interview sang Bombo Radyo kay Political Analyst Atty Jomax Ortiz, ang relasyon sa karun ni Marcos kag ni Vice President Sara Duterte ang guba na gid kag wala na sang pagsalig si Marcos kay Duterte bangod sa konflikto sa tunga nila nga duha.
Suno diri, kun wala ang presidente mahimo sini nga magpili kun sin-o ang ibutang bilang caretaker kag indi mandatory ang pagpungko sang bise presidente bilang bulos kun wala ang pesidente.
