Matapos ang meeting nga ginpatigayon sanday French President Emmanuel Macron kag Russian President Vladimir Putin, nagpatigayon ang mga ini sang joint news conference.
Suno kay Putin, nagapadayon sila sa pagbayluhanay sang panulukan ni Macron, nga isa man sa mga chair sang European Union tuhoy sa proposal nga ginpasa sang France sa NATO.
Nalakip sa ila mga gin-istroyahan ang non-expansion sang NATO, kun sa diin ginapamatulkan sang Russia ang pagsulod sang Ukraine sa alyansa.
Suno kay Putin, wala ginpamatian ang iya mga proposals santo sa response nga nabaton sini nagikan sa NATO.
Suno diri, apisar nga may yara sang kinamatarong ang mga Western partners nga magpili, indi naman obligado ang alyansa nga magpasulod sang tanan nga miyembro.
Gindiskusyunan man ni Putin kag Macron ang tuhoy sa Open Door Policy sang alyansa.
Samtang, ginpahayag naman ni Macron nga yara sa “critical crossroads” ang kontinente sa meeting nila sa Moscow ni Russian President Vladimir Putin.
Kahapon, nagkitaay sanday Putin kag Macron sa Kremlin, nagpungko sang 20 feet ang kalayuon sa isa kag isa sa isa ka long table agud mamintinar ang social distancing kag nag-istoryahanay tuhoy sa tension sa tunga sang Russia kag West bangud sa Ukraine.
Sa isa ka televised opening remarks, gindayaw sang Russian president ang France sa pagtesting sini nga masolbar ang importante nga mga pamangkot sa European security.
Suno kay Macron, nagalaom ini nga ang meeting ang magasugod sa proseso sang de-escalation kag ginpahayag nga importante gid ang ila paghinun-anon agud masiguro ang seguridad kag stability sang European continent.
Ginaduso ni Macron ang mas conciliatory approach kay Putin indi kaangay sa tikang sang Estados Unidos kag Britanya, kag nakahinun-anon naman ang duha ka mga presidente sang makapila ka beses pinaagi sa telepono.
Sang Lunes, ginpahayag sang tagpamaba ni Puitin nga si Dmitri S. Peskov nga nagalaom ang Kremlin sang malawig kag maunod nga paghinun-anon sa meeting kag working dinner.
Sa venue sang meeting, apat lamang ka mga persona ang yara lakip na ang duha ka mga presidente kag ang ila mga interpreters.
