Wala pa ginakonsiderar ni Presidente Rodrigo Duterte ang pagpatawag sang special session sa Kongreso nga magapahanugot sa mga mamalidha nga maghimo sang tikang sa mga hagna nga may tinutuyo nga i-address ang pagsaka sa presyo sang produktong petrolyo suno sa Palasyo.
Suno kay Acting presidential spokesperson Karlo Nograles, wala pa sang indikasyon sa bahin sang pronouncement nagikan sa Presidente tuhoy sa mga hagna nga magapabuhin ukon magasuspendi sang excise taxes sa presyo sang petrolyo.
Suno kay Nograles, dapat nga mangin magkaangay ang panulukan sang House of Representatives kag Senado.
Suno sa iya, dapat nga magcommunicate kay Presidente Rodrigo Duterte bangud sa karun wala pa sang indikasyon tuhoy sa nasambit nga panawagan.
Ang duha ka houses sa Kongreso ang lunsay may yara sang anum ka adlaw agud istoryahan ang pending nga mga hagna sa ila tagsa ka chambers matapos ang adjournment sang session sang tinalikdan nga Pebrero 4 agud mahatagan sang ligwa ang campaign period para sa May 2022 elections.
Ang campaign period para sa national candidates ang nagsugod sang Pebrero 8 tubtob Mayo 8.
Magaresume ang session sang Kongreso sa Mayo 23.
