BACOLOD CITY – Petsa nalang ang ginahulat sa pag-abot ni Presidente Rodrigo Duterte sa probinsya sang Negros Occidental subong nga bulan sang Pebrero.
Suno kay Celso Tizon, national chairman sang Hugpong Federal Movement of the Philippines, tuman kadako ang tsansa nga magabisita diri ang presidente apang tentative pa ang petsa.
Suno kay Tizon, madamo pa sang mga aktibidades ang presidente ilabi na sa Mindanao kag nagalaom naman ini nga makaangkon sang panahon si Duterte nga makabisita diri sa Negros Occidental.
Una nga nagtuhaw ang balita nga ginalauman ang pag-abot sang presidente sa assembly tuhoy sa federalismo nga gina-organize sang HFMP sa ciudad sang Escalante sa Pebrero 24.
Ginalauman man ang pag-abot sang iban pa nga miyembro sang gabinete sa amo nga pagsinapol.
Ginpadal-an man sang imbitasyon ang iban nga mga alkalde sa probinsya agud nga makasipot sa assembly.
