Nagpanawagan si Presidente Rodrigo Duterte kay Vice President Leni Robredo nga indi na paggatungan pa ang kalayo bangud ang problema sang Pilipinas ang indi masolbar apisar nga magtaliwan na ini.
Sa iya nga speech kaina sang aga, nag-ayo si Duterte nga indi paggub-on ni Robredo ang gobyerno bangud ginaguba lang sini ang mga tawo.
Suno kay Duterte, kun ang gobyerno ang maguba, ang mga tawo ang wala na sang sarang nga madalaganan.
Ginpahayag man sang presidente nga bisan hambalon pa ni Robredo nga mapatay siya sa masunod nga adlaw, indi man ini makasolbar sa problema sang pungsod.
Nahibaluan nga nagpatigayon sang public address ang bise presidente sang Lunes sang gab-i agud ireport ang mga rekomendasyon kun paano mapaayo ang ekonomiya sang Pilipinas sa tunga sang COVID-19 pandemic.
Sa ulihi nga bahin sang speech sini, ginpahayag niya nga masarangan sang tawo nga maghimo sang paagi agud malampuwasan ang pandemya kun wala sang nagapamuno.
Suno man sa pahayag ni Robredo, kun wala sang magapamuno, kita mismo ang magahimo sang tikang kag buligan ang isa kag isa.
Sang damlag lang, naghatag sang suhestyon kun paano maimprobar ang sabat sang gobyerno sa pandemya kag ginsend niya man ini kay presidential spokesperson Harry Roque.
