Nagmando si Presidente Rodrigo Duterte sa Philippine Drug Enforcement Agency kag iban pa nga law enforcement agencies nga magpasa sa human rights groups kag International Criminal Court sang numero sang tonelada nga mga illegal drugs nga nagsulod sa pungsod.
Sa Talk to the People ni Dutete kagab-i, ginmanduan sini ang PDEA nga maghatag sang isa ka report kun sa diin ara ang tanna nga datos kag ihatag sang nagkalain-lain nga law enforcement agency sa mga human rights kga ICC.
Igahatag man suno sa iya ang kopya sang tonelada nga shabu nga nagakakumpiska sa Pilipinas adlaw-adlaw.
Suno sa iya, dapat pahanugutan ang mga ini nga magpanumdum sa numero sang mga Filipino nga mga kabataan sa pungsod kag kun ano kabug-at ang drug sa pungsod apisar nga nagadouble time na sila.
Ginreport naman ni Department of the Interior and Local Government Secretary Eduardo Año nga ang mga otoridad ang nakapatigayon na sang indi magnubo 1,162 anti-illegal drug operations humalin Marso 20 tubtob Marso 26.
Kapin 72 ka mga indibidwal ang nagsurrender samtang 1,627 ang naaresto.
