Posible nga indi magtambong si Presidente Rodrigo Duterte sa ginaplanuhan nga meeting sa tunga ni US President Joe Biden kag mga pinuno sang Southeast Asian Nations (ASEAN) sa Washington kun ang petsa sang summit ang magtupa sa iya ika-77 nga kaadlawan sa Marso 28 suno kay Philippine Ambassador Jose Manuel Romualdez.
Suno kay Romualdez, envoy sang Manila sa Estados Unidos, Marso 28 ang kaadlawan sang Presidente kag sa katapusan sang Marso man patigayunon ang ASEAN summit.
Suno diri, tradisyon na ni Duterte nga wala ini nagahalin sa iya puluy-an kun iya kaadlawan.
Apang suno kay Cambodia’s Foreign Minister Prak Sokhonn nga ang summit nga una nga ginschedule sa Marso 28 tubtob Marso 29, ang ginpostpone bangud may pila ka mga ASEAN leaders nga indi makatambong.
Ang Cambodia ang nagapamuno sa 10-nation block sini nga tuig.
Samtang, suno naman kay Romualdez, kun malapit sa Marso 28 ang petsa sang summit, indi makatambong si Duterte apang kun ipostpone ini, iya igakonsiderar ang pagkadto diri.
