Gin-assign ni Presidente Rodrigo Duterte si Michael Regino bilang presidente sang Social Security System (SSS).
Antes ang iya appointment, si Regino ang isa ka commissioner sang Social Security Commission, nga nagaserbe nga governing board sang SSS, kasubong man direktor sang Unionbank of the Philippines kag Philex Mining Corporation, suno sa iya profile sa SSS website.
Ginkumpirmar man sang Palasyon ang appointment ni Atty. Dante Vargas bilang Deputy Ombudsman for the Visayas.
Ginbuslan ni Vargas si retired Commission on Elections Commissioner Rowena Guanzon kag Beda Epres sang Office of the Ombudsman sa nasambit nga post.
May yara na lamang sang 57 ka adlaw antes ang May 9 general elections, gani ang nasambit nga appointments ang indi pa covered sang election ban.
Ang Omnibus election Code ang nagadumili sa maskin sin-o nga pinuno, opisyal ukon appointing office sang isa ka opisina sang gobyerno, ahensya ukon instrumentality, national man ukon local, lakip na ang government-owned ukon controlled corporations sa paghimo sang appintment sang bag-o nga mga empleyado, pagtukod sang bag-o nga position, promotion ukon paghatag sang salary increases 45 ka adlaw antes ang election kag 30 ka adlaw antes ang special election magluwas lamang sa prior authority sang Comelec.
