Nagpanawagan si Presidente Rodrigo Duterte para sa regional collaboration sa mga kabahin sang Asia Pacific Nations nga pasanyugon ang water access kag ang serbisyo padulong sa 2050, kadungan sa pagcite sa sitwasyon sang Pilipinas.
Sa iya nga pagsugilanon virtually sa Asia-Pacific Water Summit sa Japan, ginpahayag ni Duterte nga ang Pilipinas ang padayun nga nagapangatubang sang dako nga pagpanghangkat sa pagseguro sang universal access sa safe, barato kag accessible nga tubig.
Pahayag sini nga nagakinahanglan na sang gilayon nga community action sa rehiyon, isa ka integrated kag coherent policy kasubong man ang panindugan sa paghatag sang oportunidad para sa investment kag collaboration sa technological solutions.
Dugang pa sini nga kinahanglan lang nga makatukod sang robust regime para sa regional sustainable water management.
Madumduman nga nagpaandam na sang 2019 ang Presidente nga I-take over ang water service concessionaires nga Maynilad Water Services Inc. kag Manila Water Company Inc bangod sa shortage sang water supply nga nagaka-eksperyensyahan sa Metro Manila.
Nagpahayag naman si Justice Secretary Menardo Guevarra nga nagmando si Duterte nga pangunahan sini ang Metropolitan Waterworks and Sewerage System (MWSS) agud nga makanselar ang extension sang concession agreement sa duha ka kompanya.
