Nagapati ang Presidente sa Bacolod Alliance for Commuters Operators and Drivers (BACOD) nga ginrelieve si Land Transportation Franchising and Regulatory Board Region 6 (LTFRB 6) Director Richard Osmeña bangod sa mga gina-alegar kapaltahan sini may kaangtanan sa Public Utility Vehicle (PUV) Modernization Program.
Sa interview sang Bombo Radyo Bacolod kay Rudy Catedral, madamo sang illegal nga ginahimo si Osmeña kag ini ang wala nagaagi sa nagakaigo nga proseso sa pagduso sini sang modernization program.
Nagapati si Catedral nga ginpahalin ini bangod mga complaint sa Kongreso nga wala sini masabat.
Apang sa pihak sang kontrobersiya, ginakwestyon sini kun ngaa kaangay nga ginpromote pa si Osmeña apisar sa mga maathag sini nga kapaltahan.
Nagapati si Catedral nga ini ang taktika lamang ni LTFRB Chairman Teofilo Guardiz III agud madula ang atensyon kay Osmeña kag sa mga lapses sini.
Suno diri, kaangay nga nagapatigayon sang delaying tactics ang LTFRB, apang pahanumdom sini, sila nga traditional jeepney drivers kag operators ang magapabilinnga manindugan sa pagpamatok sa pagphase-out sang ila palangabuhian.
Sa pihak nga bahin, nakita naman nila nga ang magaserbe nga officer-in-charge sa LTFRB 6 ang nagasuporta man sa Modernization Program.
Suno kay Catedral, abogado sang modernized jeepney ang paglantaw nila kay Atty Salvador Altura, kag indi abogado sang LTFRB.
Panindugan sini nga bisan sin-o pa nga abogado ang ibutang agud magpamuno sa LTFRB 6, sila ang indi mahadlok.
