Kumporme ang presidente sang United Sugar Producers Federation (Unifed), sa pag-import sang 150,000 metric tons sang kalamay.
Sa interview sang Bombo Radyo kay Manuel Lamata, husto ang ginhimo ni Presidente Ferdinand Marcos Jr, sa pag-import sang 150,000 metric tons sang kalamay.
Suno diri, bangod sang nakaligad nga tuig, bulan sang Agosto naggaling sang kalamay nga dapat kun tani sa Septyembre, agud nga magtam-is ini.
Sa karun bangod may yara sang isa ka bulan nga gap, gindesisyonan sang gobyerno ang pag-import sang kalamay agud makagaling sa Septymebre para sa mas matam-is nga produksyon.
Ang iga-import nga kalamay ang magatabon sa isa ka bulan nga kakulangan sa supply.
Suno kay Lamata, sa paglantaw sini posible nga sa masunod nga tuig kun mag-import gid man sang kalamay ang Pilipinas, indi na ini madako kumpara sa nakaligad nga importasyon.
Saludo si Lamata sa trabaho ni Marcos sa paghatag sini sang atensyon sa mga mangunguma kag agrikultura.
Nagpanawagan ini kay Marcos nga indi pag-untaton ang iya suporta sa mga planters ilabi na sa presyo nga kuntani mangin estable agud makabawi ang mga mangunguma kag sila makapasanyog sang ila katubohan.
