Ginakabig sang presidente sang Integrated Bar of the Philippines- Negros Occidental Chapter nga kaswertehan sang probinsya nga nagdangat sa kapin 50 ka mga taga-Negros ang nakapasar sa Bar Exam.
Sa interview sang Bombo Radyo kay Atty Gerry Llena, gin-congratulate sini ang bag-o nga mga abogado kag abogada nga indi lamang asset sang IBP apang ini man ang bugal sang siyudad kag probinsya.
Suno diri, ini na ang sugod sang pagpanghangkat sang ila propesyon apang naghatag ini sang kasiguraduhan nga yara ang IBP para mag-guide sa mga bag-o nga mga lawyer.// Ginkalipay sini nga nagdangat sa kapin 50 ang mga bag-o nga lawyer sa Negros Occidental.
Pahayag ni Llena, may nakahanda na nga aktibidad kag programa para sa mga bar passers nga may yara na sang natalana nga petsa para sa recognition kag oath taking kag signing of the roll of attorneys nga pagahiwaton sa Manila.
Mensahe ni Llena sa mga wala nangin palaron nga makapasar sa bar exam nga ini kabahin lamang sang kabudlayan nga ila ma-agyan, apang mag padayon lang sa gihapon kag mag tutok sa proseso.
Dugang pa niya, may yara sang mga indibidwal nga makapila na magkuha sang exam amo pa ang nangin succesful nga practitioner.
