Presidente sang Muslim community sa ciudad sang Victorias, ginpatay sang mga suspetsado nga nagasakay sa motorsiklo kagab-i

Patay ang presidente sang Muslim Community sa Victorias City matapos ginluthang sang motor riding suspects sa parking lot sang Victorias City Hall, Barangay 4, sa nasambit nga ciudad.

Sa impormasyon nga nakuha ang Bombo Radyo, magasakay na kuntani sa iya salakyan ang negosyante nga si Iskan Umpar, 35 anyos, sang hinali lamang nga ini ang ginluthang sang isa ka persona nga nagasakay sa motorskilo.

Ginhingagaw pa ini dala sa ospital apang gindeklarar nga dead on arrival.

Nakuha sa lugar ang tatlo ka mga basiyo sang 9 mm pistol, isa ka cartridge kag isa ka cellphone.

Sa karun ginahibalo pa sang kapulisan ang motibo sang krimen apang wala ginadula ang posibilidad nga posible may kaangtanan ini sa iya negosyo ukon posisyon sa Muslim Community.