Aminado ang Presidente sang Negros Occidental Hog Raisers Association nga indi ang African Swine Fever ukon hog cholera ang nagapatay sa hog industry kundi ang spekulasyon nga nagalapta nga indi na pwede makakaon sang baboy ang mga tawo.
Sa interview sang Bombo Radyo kay Ray Delarama, ang mga kaangay nila nga private ukon commercial farms ang naga-inhouse kag wala sang mga ini ginapagwa ang ila mga baboy.
Suno diri, indi ASF ukon hog cholera ang nagapatay sa industriya kundi ang mga spekulasyon nga indi na pwede makakaon sang baboy kag ang apektado diri amu ang mga producers kag stakeholders sa merkado.
Suno sa iya, kun madutay ang baklanay sang baboy, mangin barato na lang ang baligyaanay sini.
Samtang, nagpasalig naman si Delarama nga sila ang nagakooperar sa probinsya kag naintindihan nga luyag sang gobyerno nga mabuligan ang mga farmers kag hog raisers.
Suno diri, supportive gid si Governor Eugenio Jose “Bong” Lacson sa ila.
