Ginpahayag sang presidente sang Negros Electric and Power Corporation (NEPC) nga matigayon ang pagnubo sang rate sang kuryente apang ini ang maga-agi pa sa husto nga proseso.
Suno kay Roel Castro, kaina sang aga amat-amat nga gin-switch ang mga feeders kasunod sa pag-abot sang 10MVA nga mobile substation.
Suno diri, wala naman sang may matabo nga load dropping kag rotational brownout bangod nga nanormalize na ang tanan nga feeders.
Apang, may yara pa sang duha ka feeder nga indi pa gid matandog bangod nga may duha ka planta nga naka-connect diri.
Nagpasalig man ini nga padayon ang ila pag-rehabilitate agud nga indi na maliwat ang amo nga insidente.
Paathag ni Castro, kun wala sang consumption sang kuryente, maganubo man ang billing sang consumers.
Nagpasalig naman ini nga maganubo ang rate sa balayran sang kuryente, madamo pa sang dapat nga iproseso antes ini mapatuman.
Pahayag sini, wala sang may luyag sa natabo kag nagpasalig si Castro sa mga consumers nga ila ginatutokan ang paghatag sang maayo nga serbisyo.
