Gin-endorso sang National Unity Party (NUP) President kag Cavite 4th District Representative Elpidio “Pidi” Barzaga si Vice President Maria Leonor “Leni” Robredo para sa pagkapresidente sa May polls, apisar nga ang una nga presidential bid nga ginsuportahan sang NUP amo ang kay Ferdinand “Bongbong” Marcos Jr.
Sa iya nga local proclamation rally, ginpahayag ni Barzaga nga nagdesisyon siya nga suportahan si Robredo matapos makita ang track record sini kasubong man sa eksperyensya sini sa judiciary, legislature, and executive.
Pahayag sini nga nakita sini nga nakahibalo si Robredo sa mga problema sang pigado, problema sang marginalized sector sa pungsod kag nakahibalo man ini kun ano ang mga solusyon nga dapat ihatag kung siya ang mapili nga presidente sa Pilipinas.
Si Barzaga nga nagpahayag nakatrabaho na kaupod kay Robredo humalin sang 2013 tubtob 2016 ang nagpahayag man nga ang mga programa ni Robredo bilang bise presidente kadungan sa mataas nga audit rating sang iya nga opisina gikan sa Commission on Audit (COA) sa nakaligad nga tatlo ka tuig.
Pahayag sini nga kun track record ang pagabasihan, nagapati ini nga si Robredo ang pinakakwalipikado nga mapili bilang presidente.
Ang endorsement ni Barzaga ang naggwa inadlaw lang matapos nga gin-endorso sang National Unity Party si Marcos bilang ila nga presidential bet, kadungan sa paghingyo sa iban nga party members.
Gin-anunsyar naman sa publiko ni Dasmarinias City Mayor Jenny Austria-Barzaga, asawa ni Pidi Barzaga, ang iya nga pagsuporta kay Robredo samtang gindugang pa sini nga suportahan man niya ang vice-presidential candidacy ni Davao City Mayor Sara Duterte.
