Pabor ang presidente sang Progressive Alliance of Capitol Employees sa ginaduso nga House Bill nga dulaon ang mandatory retirement age nga 65.
Sa interview sang Bombo Radyo kay Renelo Lastierre, may bentaha kag disbentaha ang proposal.
Sa karon, ginamandu sang layi nga 65 ang mandatory retirement age sang mga empleyado.
Sa personal nga paglantaw ni Lastierre, indi hindrance ang edad sa pag-ubra basta capable pa ini sa trabaho kag healthy.
Indi malipod suno sa iya nga dako ang skills kag wisdom sang tawo kun may edad na ini apang may mga occupation nga nagarequire sang physical attribute sang tawo.
Ang mga social security insurances naman ang nagatalana sang number of years nga mangin kwalipikado ang empleyado sa retirements kaangay sang GSIS nga 15 years kag SSS nga 10 years.
Agud nga makaavail sang retirement benefits, dapat nga lantawon lang sang employee nga nalab-ot sini ang tinuig nga ginarequire sang GSIS kag SSS.
Indi naman madula nga may mga galastuhan pa ang empleyado bisan retired na ini gani kun hatagan sila sang kahigayunan nga magpadayon sa pagtrabaho, sila ang mapuslan pa sang gobyerno kag sang ekonomiya
