Gindagdagan sang 60 ka adlaw nga suspension ang isa ka empleyado sang Central Negros Electric Cooperative sa ebidensya nga may kaangtanan ini sa pagpasulod sa mga tawo nga nagpakilala nga interim board of directors sang kooperatiba tinalikdan nga bulan.
Sa interview sang Bombo Radyo Bacolod kay Atty. Arnel Lapore, acting general manager sang CENECO, gindagdagan sang preventive suspension si Leonard Guilaran, presidente sang Responsible Supervisory And Confidential Union Of Employees (RESCUE).
Suno diri, sila ang nagtukod sang investigation committee para magconduct sang investigation sa kaangtanan ni Guilaran sa pagpasulod sa mga nagpakilala nga interim board of directors sang CENECO.
Indi man sini luyag nga pangunahan ang imbestigasyon apang ginkumpirma sinir nga may yara sang ebidensya nga nagapakita sang kahilabtanan ni Guilaran.
Samtang, pagasuguran na bwas nga adlaw, Hulyo 19 tubtob Hulyo 27, ang cleansing sa master list sang CENECO.
Sa may luyag nga magpa-update sang ila rekord, magpadulong lang sa Ayala Malls Capitol Central, Bacolod City halin alas-10:00 sa aga tubtob alas-8:00 sa gab-i.
