Ginpahayag sang presidente sang Kabakod Negros Transport Coalition Incorporated (KNETCO) nga dapat tarungon sang mga kapulisan ang ila nga approach bangud sila ang nagakadulaan na sang respeto sa mga kapulisan.
Ini sa nagluntad nga tensyon sa ginpatigayon nga rally-protests sang transport group sa atubang sang EL Fisher sang Miyerkules.
Sa interview sang Bombo Radyo Bacolod kay KNETCO president Lilian Sembrano, ang mga gamo kag sakitanay indi na malikawan.
Panindugan ni Sembrano nga matawhay lamang ang ginpatigayon nila nga rally-protesta.
Suno pa diri, wala man sila naghimo sang traffic bangud madamo ang wala nagbiyahe nga traditional kag tuman ka ligwa ang dalan Lacson kag ginatudlo pa sini nga ang mga kapulisan pa ang rason sang trapiko.
Samtang, suno kay Sembrano, nagpasaka man sang kaso batok sa mga kapulisan ang ila nga abugado bangud sa gina-alegar nga harrassments kag illegal arrests.
Panindugan ni Sembrano bisan nagsungka sila dapat nga ginbasahan sila sang mga kapulisan kun ngaa gin-aresto kag may kinamatarong sila nga magkuha sang abugado.
