Presidente sang Unified Sugar Producers Federation of the Philippines, nagapati nga indi makabig nga smuggled ang pag-abot sang 440,000 metric tons sang kalamay sa idalum sang Sugar Regulatory Administration

Para sa Presidente sang Unified Sugar Producers Federation of the Philippines indi makabig nga smuggled ang pag-abot sang 440,000 metric tons sang kalamay sa idalum sang Sugar Regulatory Administration.

Sa interview sang Bombo Radyo kay Manuel Lamata, na-atraso lamang ang transmital sang Sugar Order sa Malacanang sa Department of Agriculture.

Suno diri, may yara lamang sang gamay nga atraso apang indi ini makabig nga ilegal ukon smuggled bangod sa pag-abot sini, nagbayad man sang taxes kag duties ang shipment.

Dugang pa sini, husto kag wala ginakulang ang supply sang kalamay apisar nga manugtapos na ang milling season.