Ginpahayag sang Presidential Anti-Organized Crime Commission nga maga-apply ini sang isa ka blue notice sa International Criminal Police Organization (INTERPOL) batok kay former Bamban Mayor Alice Guo agud malimitahan ang iya giyo.
Tinutuyo sang Interpol blue notice nga makakolekta sang dugang nga impormasyon natuhoy sa identity, lokasyon ukon mga aktibidad sang isa ka persona nga may kaangtanan sa isa ka criminal investigation.
Suno kay PAOCC spokesperson Dr. Winston Casio, si Guo ang yara pa sa karun sa Batam Island sa Indonesia.
Suno kay Casio, maathag sa mga Indonesian counterparts nga yara pa sa Batam si Guo kag maga-apply sila sang blue notice kag ini ang ginapadasig a karun.
Suno diri, si Guo kag ang iya utod nga si Wesley ang posible separado nga nagabyahe samtang naaresto naman sanday Shiela Guo kag Cassandro Li Ong sang Huwebes kag nabalik na sa Pilipinas.
Ang basehan para sa blue notice request amu ang criminal complaints batok kay Guo may kaangtanan sa illegal Philippine Offshore Gaming Operators ukon POGOs sa Bamban.
