Pila ka mga elected Democrats nga loyal kay President Joe Biden ang nagpabutyag sang mga palamangkutanon natuhoy sa iya 2024 re-election bid kun sa diin pila ang nagapanawagan nga siya ang magpaiway na lamang, isa ka shift matapos nga madamo ang nagdepensa sa iya matapos ang iya nangin performance sa debate batok kay former President US Donald Trump.
Suno sa Democrats kag political strategists, magadepende kay Biden kun padayunon sini ang iya bid para sa pagka-Presidente sa 2024.
Apang nagapangatubang sa karun sang pressure si Biden bangud pila ka mga donors ang nagpanawagan na nga siya ang magpaiway na lamang samtang iban nga mga Democrats ang nagakabalaka nga indi sini malutos si Trump sa Nobyembre.
May yara sang 25 ka mga miyembro sang Democrats sa House of Representatives nga nagapanawagan nga siya ang magpaiway na lamang suno sa isa ka Democratic aide.
