Lunsay nagapati sanday Vice President Leni Robredo kag labor leader Leody De Guzman nga dapat may yara sang layi batok sa political turncoatism ukon ang pagsaylo-saylo sang partido sang isa ka politiko agud mapakusog ang political system sang pungsod.
Sa ikaduha nga PiliPinas presidential debate nga ginpamunuan sang Commission on Elections, ginpahayag ni Robredo nga ang mga “balimbing” nga politiko nga masami nga nagasaylo sang partido ang nagapaluya sang political party system.
Suno sa iya, masami nga political convenience ang ginasunod sang mga ini.
Suno diri, kun pahanugutan ang turncoatism, indi malauman nga magakusog ang political parties bangud sarang sila nga i-dispose sa maskin ano nga oras.
Nagapati si Robredo nga dapat magpasar sang layi nagadumili sini agud ang mga politiko ang maga-intra sa partido santo sa prinsipyo nga ginapakigbato sang partido.
Gindugang man sini nga dapat ireview sang Pilipinas kun epektibo pa ang multi-party system.
Suno sa iya, dapat debatehan kun ipatuman ang two-party system kag diskusyunan sang maayo.
Kaangay sang bise-presidente, pabor man si labor leader Leody De Guzman nga importante ang nasambit nga layi agud mapunggan ang “political butterflies.”
Suno kay De Guzman, dapat makaangkon sang maathag nga layi tuhoy sa mga political butterfly sa Pilipinas agud makaangkon sang mabakod nga tungtungan kag pundasyon ang political system sa pungsod.
Suno sa iya, madamo sang mga politiko ang nagasaylo-saylo sang partido agud protektahan ang ila kaugalingon nga mga interes kasubong man ang interes sang mga kapitalista, elitista kag dalagko nga mga negosyo.
Nagapati naman si Aksyon Demokratiko bet kag Manila Mayor Isko Moreno, nga nakabaton man sang mga kritisismo bangud sa pag-ilis sang political parties sa nagliligad nga mga tinuig, nga tion an para sa two-party system sa gobyerno.
Liwat nga ginduso ni Moreno nga may yara lamang sang tagduha ka Senador sa kada rehiyon sa pungsod kasubong man magdaog ang vice-presidential bet kun ma-elect ang presidential candidate sini.
Suno sa iya, luyag sini nga makakita sang mga Senador nga Moro, Igorot, Aetas ukon IPs sa pungsod agud indi lamang isa ka pamilya ang nagapamuno sa Senado.
Una na nga ginpanginwala sang alkalde sang Manila nga isa ka ini ka traditional political.
Si Moreno ang nangin kabahin sang Nacionalista Party, United Nationalist Alliance, kag Pwersa ng Masang Pilipino.
Siya sa karun ang presidente sang Aksyon Demokratiko.
