Nagbaton sang Presidential Lingkod Bayan Award si Jail Superintendent Abner Zamora bilang regional winner sang 2024 search for outstanding government worker sang Civil Service Commission.
Sa interview sang Bombo Radyo kay Zamora, siya ang anay na-assign sa Handumanan District Jail kag sa karun na-assign na sa Bureau of Jail Management and Penology (BJMP) regional office 6.
Suno diri, madamo ini sang ginpresentar nga proyekto para sa mga Persons Deprived of Liberty (PDL’s) nga makabenepisyo sa ila kag sa ila pamilya kasubong man sa BJMP personnel.
Isa sa programa nga ginpresentar sini amo ang pagpatindog sang balay para sa mga PDL’s nga wala sang pulian.
Ini bangod man ang kalabanan sa mga PDL’s ang nagakabalaka sa sitwasyon sang pamilya nga ila ginbayaan.
Dugang pa ni Zamora, sadto sa BJMP Handumanan, may flagship program ini nga ‘My Jail, My Hope’ kun sa diin nagabinuligay, nagapalangga-anay kag nagahimo sang bagay para sa ikaayo sang tanan ang mga PDL’s.
Pahayag sini, bisan diin man ini ma destino, tinguhaan sini nga mapatigayon ang programa nga makabulig sa mga PDL’s kag sa ila pamilya.
