Padayon pa nga ginapangita ang nakapalagyo nga preso sa custodial facility sang EB Magalona Municipal Police Station.
Ang nakapalagyo nga preso amo si Eduardo Sadia alyas Bebeng, 58-anyos, mananagat kag residente sang Sitio Panaosawon, Brgy. Tuburan, sang nasambit nga banwa.
Sa interview sang Bombo Radyo Bacolod kay Negros Occidental Police Provincial Office (NOCPPO) Spokesperson Police Captain Judesses Catalogo, gindakop si Sadia sa kaso nga rape sa isa ka bata nga may deperensya sa paminsaron.
Nadakpan si Sadia sang Setyembre 1 kag nakapalagyo sang Setyembre 9.
Suno kay Catalogo, padayon ang manhunt operation agud madakpan si Sadia kag may yara sang gintanyag nga P20,000 nga padya para sa makahatag sang imporamasyon kun diin nagapanago ang nakapalagyo nga preso.
Sa karun may yara na sang ginpasa nga imporamsyon sa ila apang ginaverify pa ini.
Samtang may yara man sang patigayonon nga pag-imbestigar sa personnel sa EB Magalona Municipal Police Station bilang kabahin sang internal investigation.
