Nagsaka ang presyo sang pila ka noche buena products samtang nagahilapit ang Holiday season.
Sa interview sang Bombo Radyo kay Judith Degala, chief sang Consumer Protection Section sang Department of Trade and Industry Region 6, may pagsaka sa presyo sang pila ka mga Noche Buena products bangod sa pagsaka man sang raw materials sa paghimo sini.
Pila diri amo ang ham kag sandwich spread.
Nagsaka ang presyo sang ham sang 3 pesos sa kada 500mg kag 51 pesos naman ang kada isa ka kilo, samtang sa sandwich spread, may yara sang pagsaka sang dos pesos.
Gintuad man ni Degala nga kalabanan sang mga noche buena products ang nagapabilin sa ila presyo.
Suno diri, mas manubo ang pagsaka sang presyo subong nga tuig kun ipaanggid sang nagligad nga tuig.
Dapat man manabat ang mga nagabaligya sa kasuguan kun sila ang magpasobra sa gin-release nga Suggested Retail Price List ukon SRP list.
Siya ang naghatag man sang pahanumdom sa publiko nga dapat mangin mausisa sa pagbakal sang mga produkto ila nagid sa Christmas lights.
Suno diri, indi magbakal sang mga produkto nga wala makapasar sa product standard law.
Hilway man nga magkig-angot ang publiko sa DTI kun sila ang nagaduha-duha sa ginbakal nga produkto agud matsekyar kag kun may nakita nga kapaltahan, mahatagan man sang nagakaigo nga tikang.
