Ginalantaw ni President Ferdinand Marcos Jr. ang pagtaas sang importasyon sang bugas sa tunga sang paglaslas sang mga bagyo nga nagtuga sang kahalitan sa agricultural sector.
Suno kay Marcos, nakabaton ini sang report nagikan sa Department of Agriculture kag ginalantaw nga madugangan ang importasyon sang bugas.
Suno diri, sila ang maga-import sang malapit sa 4.5 million tons, mas mataas kun ikumparar sa 3.9 million tons sang tinalikdan nga tuig.
Apang wala naman sini nagakakit-an nga ang dugang nga rice importation ang magaresulta sa mas mataas nga presyo.
Suno diri, nagnubo na ang presyo sang imported nga bugas humalin sang tinalikdan nga tuig.
Wala man nagacompete ang pungsod bangud ang Pilipinas lamang ang apektado sang mga bagyo indi kaangay sa El Niño period kun sa diin apektado ang tanan nga Southeast Asian nga mga pungsod.
Pasalig sang Presidente nga ginahimo sang gobyerno ang tanan agud makontrolar ang presyo sang pagkaon ilabi na ang mga produkto nga nahalitan bangud sa asod-asod nga bagyo.
