Ginpahayag sang manugbaligya sang bugas sa Burgos Public Market nga wala pa sa karun sang pagsaka sa presyo sang bugas.
Sa interview sang Bombo Radyo Bacolod kay Reynalin Tiaga, retailer sang bugas, wala sang pagbag-o sa presyo sang bugas subong apang ginalantaw nga magasaka man ini sa bulan sang Pebrero bangud wala na sang ani.
Ang pinakamanubo nga presyo sang bugas ang P39.00 kun sa diin ang stock ang ginakuha sa banwa sang Pototan sa Iloilo samtang ang pinakamataas ang yara sa P47.00 kada kilo.
Suno kay Tiaga, kalabanan nga ginabakal sang mga customer sa karun wala nagabakal sang sinako bangud kinilo lamang ang ginabakal.
Suno diri, ang sako sa karun sang ginakuha nila nga probinsya sang Iloilo ang mabakal sa P1100, ang nagikan sa Luzon ang mabakal sa P2080 samtang ang imported ang mabakal sa P2050 ang sako.
Ginpahayag sini nga ang mga customer ang nagakumod nga magasaka naman ang presyo sang bugas apang ang iban ang nagapahayag nga wala na sang mahimo.
