Dako ang ginsaka sang presyo sang bulak para sa Mother’s Day, Mayo 10.
Ginkumpirmar sang manubaligya sang bulak sa Ferrero Street, Brgy 12, Bacolod City nga nagamahal gid man ang bulak kun may-ara sang special occasion.
Nahibaluan nga isa ang bulak sa nagaserbe na nga simbolo sang pagpalangga kag pag-apresyar sa mga ginikanan sa Mother’s Day.
Sa interview sang Bombo Radyo Bacolod kay Kaila Lañohan, vendor sa Angie Flower Stand, sa regular nga inadlaw, ang presyo sang bouquet sang tatlo ka red roses ang nagabalor sang P300.
Apang ini ang nagsaka na sa P500 sa Mother’s Day; P750 para sa anom ka roses; kag P1,500 para sa 12 ka roses.
Sarang man nga makapa-customize san bouquet of flowers.
Ang isa ka stem sang rose nga wala nakawrap, ang mabakal naman sa balor nga P50; apang kun ini ang nawrap na ang presyo ang mangin P150.
Suno kay Laniohan, wala sila sang problema sa supply sang bulak, apang paathag sini nga nagasaka ang presyo bangod ginapataasan man sang source ang pamaligya, bangod sa kaangay nga mga special occasion lamang ang mga ini makabawi.
Samtang, may mga bulak naman nga madasig malayong karun nga tuman ka init sang tiyempo.
