Nagsaka ang presyo sang bulak duha ka adlaw antes ang Valentines Day.
Sa interview sang Bombo Radyo Bacolod kay Rommel, flower vendor sa likod sang Bacolod Arts and Youth Sports Center (BAYS Center), maayo-ayo man sa karun ang baklanay sang bulak.
Suno diri, kahapon nagsaka ang presyo sang bulak kun sa diin ang boquet sang rose nga tatlo ka stem ang karun balor P500 na.
Sang Valentines Day sang 2024, yara lamang sa P300 ang boquet sang tatlo ka stem nga roses.
Ang single rose ang nagabalor naman sang P100.
Samtang P500 naman ang naka-arrange nga isa ka stem sang sunflower.
Magluwas sa temprano nila nga gin-order, sila ang may mga bulak pa nga palaabuton.
Kontrolado man nila ang volume sang gina-order agud maseguro nga mapaubos.
Pahayag ni Rommel nga may mga nagpareserve na sa ila sang bulak para sa Valentines Day.
Suno diri may kapin 20 na nga nagpareserve sa ila, nga ginalakipan sang mga may trabaho, apang may iban man nga estudyante.
Pahayag sini nga ang pinakamabakal nila nga bulan amo ang roses, kag ginalantaw nga mahimo magsaka pa ang presyo antes ang Pebrero 14.
