Pila ka adlaw antes ang pagsirado sang mga patyo kadungan sang tigkalalag, nagapabilin nga makabig maka-masa ang presyo sang bulak nga ginabaligya sang mga flower vendors sa likod sang Bacolod Arts and Youth Sports Center.
Suno sa isa ka manugbaligya nga naghingyo nga indi lang paghingadlan, P200 tubtob P300 ang bili sang bulak kag ang kada bundle sang bulak ang masami nagadepende man sa budget sang customer.
Apisar sina, ginalantaw man ang posibilidad sa pagmahal sang mga bulak sa masunod nga inadlaw bangod ang presyo ang nagadepende man sa presyo sang mga suppliers sang bulak.
Sa pihak sang Executive Order sa syudad sang Bacolod kun sa diin pagasaraduhan ang tanan nga sementeryo humalin Oktobre 30 tubtob Nobyembre 2, positibo ang mga flower vendors nga indi sila mapierde bangod ang sementeryo lang amo ang saraduhan kag sila ang magapadayun sa gihapon sa pagbaligya.
Ginalauman man sang mga ini nga may magabakal man gihapon sang bulak kada adlaw.
