Ginpahayag sang nagabaligya sang bulak sa likod sang Bacolod Arts Youth Sports Center nga may pagsaka sa presyo sang bulak samtang nagahilapit ang Valentines Day.
Sa interview sang Bombo Radyo Bacolod kay Rosemarie Resguardo, manugbaligya sang bulak sa likod sang BAYS center, sang tinalikdan pa nga semana nagsaka na ang presyo sang bulak.
Suno kay Resguardo, pigado pa man ang pagbaklanay sang bulak sa karun kag ginapaabot nila nga magadugok ang magabakal sang bulak kun nagahilapit na ang adlaw sang Valentines Day.
Suno diri, ang rose ang mabakal sang P50.00 kada bilog kag ang bouquette ang P300.00, ang carnation ang mabakal P50.00 ang bilog, anthorium ang mabakal 3 P100, babies breath may yara sang P20.00 kag ang pinakamahal ang bulak nga star gazer ang mabakal sang P250.00.
May yara man sila sang ginabaligya nga statice flower, ang bulak nga manami tulukon bisan naglayong na.
Ang sunflower naman ang mabakal sa P200 apang depende sa kadakuon.
Samtang ang bouquette ang mabakal sa P1500 tubtob P2000.
Suno kay Resguardo, sa dangwa sila sa Metro Manila nagakuha sang supply sang bulan.
