Maiwat pa sa karun ang baklanay sang mga bulak para sa minatay pila ka adlaw antes ang nagahilapit nga UNDAS 2024.
Sa interview sang Bombo Radyo Bacolod kay Rosemarie Rescuerdo, sang Dangdang Flowershop sa likod sang Bacolod Arts and Youth Sports Center (BAYS Center), sila ang nakabatun sang bag-o nga supply sang bulak apang aminado ini nga mahina ang bentahanay.
Suno diri sa karun ang presyo sang kada basket sang bulak para sa minatay ang nagabalor P100, samtang P200 ang sided, ang nakamisitera ang balor P250 samtang P1,000 pasaka naman ang may stand kag ribbons.
Sila ang nagakuha sa Dangwa Flower Market ukon Bulaklakan ng Maynila kag ang masunod nga supply ang maga-abot sa Oktubre 28.
Paathag sini nga magasaka naman ang presyo sang bulak sumugod Oktubre 28 tubtob na sa Nobyembre 2.
Ang kada basket ang ginalantaw nga mangin P150, ang sided ang mangin P250, samtang P300 naman ang nakamisitera, apang wala naman sang pagbag-o sa presyo sang may stand.
Ini bangod ang presyo sang may stand ang nakadepende sa luyag nga desinsyo sang customer.
Aminado si Rescuerdo nga dako ang ila kapierdihan tinalikdan nga tuig, kag kaangay man nga maulanon ang panahon.
Gani indi man sini maseguro kun sila ang makabawi sa subong nga tuig.
