Lauman ang dugang nga pag-agunto sang mga motorista bangod sa panibag-o nga round sang pagsaka sang presyo sang gatong sa masunod nga semana, nga magamarka sang ikatatlo na nga sunod-sunod nga semana sang pagsaka sang presyo.
Santo sa oil trading monitoring humalin Hunyo 13 tubtob 16, isa ka source gikan sa oil industry ang nagpahayag nga lauman ang pila ka price adjustment sa produktong petrolyo sa masunod nga semana.
Ini ang pagalakipan sang P2.00 tubtob P2.30 nga pagsaka sa presyo sang kada litro sang diesel samtang P0.20 tubtob P0.50 naman nga pagsaka sa kada litro sang gasolina.
Ginpahayag naman ni Department of Energy-Oil Industry Management Bureau director Rino Abad nga ang pagsaka sang presyo ang mahimo nga epekto sang lockdown sa China.
Suno diri, wala nagtuga sang rollbacks gani malauman gihapon ang pasaka sa masunod nga semana apang pasalig sini nga mas nubo nalang ang price increase kun ipaanggid sa tinalikdan nga duha ka semana.
Dugang pa ni Abad nga ang pagban sang European Union sa Russian oil imports bangod sa gyera sini sa Ukraine ang nagatuga gihapon sang pagsaka sa presyo sang gatong.
Masami nga gina-anunsyar sang mga oil companies ang fuel price adjustments kada Lunes kag gina-implementar sa kasunod nga adlaw.
