Lauman ang pagnubo sa presyo sang Diesel kag Kerosene samtang may pagsaka naman sa presyo sang Gasolina sa masunod nga semana.
Lauman nga maganubo sa presyo nga P0.80 – P1.00 ang kada litros sang Diesel kag P0.90 – P1.10 naman sa kada litro sang Kerosene samtang may pagsaka naman nga P0.40 – P0.60 sa kada litro sang Gasolina.
Suno kay Department of Energy-Oil Industry Management Bureau Assistant Direcror Rodela Romero, ang factors nga naga-apekto sa fuel price movements amo ang ginalauman nga paghuyang sang demand suno sa International Energy Agency kag paghagan-hagan sa trade tension sa tunga sang Estados Unidos kag China.
Masami nga gina-anunsyar kada Lunes ang aktwal nga price adjustments kag ginpatuman sa masunod nga adlaw.
Epektibo sa Martes, Agosto 19 ang pagbag-o sa presyo sang produktong petrolyo.
