Presyo sang diesel, maganubo sa Martes sang aga; presyo sang gasolina, mahimo nga wala sang pagbag-o

Lauman nga may yara sang pagnubo sa presyo sang produktong petrolyo sa masunod nga semana.

Suno kay Department of Energy-Oil Industry Management Bureau Director III Rodela Romero, maganubo sang P0.30 tubtob P0.60 ang presyo sa kada litro sang Diesel, P0.60 tubtob P0.70 sa kada litro sang Kerosene kag mahimo naman nga magapabilin sa amo nga presyo ang kada litro sang Gasolina ukon ini ang maganubo sang P0.20.

Masami nga gina-anunsyar ang aktwal nga price adjustment kada Lunes nga ginapatuman pagkasunod nga adlaw.