Matapos ang asod-asod nga semana nga pagsaka sang presyo sang produktong petrolyo, makaguluginhawa sang gamay ang mga motorista matapos nga gin-anunsyo sang mga fuel retailers kahapon sang Lunes ang oil price rollback.
Sa subong, ang pila ka mga kumpanya nga may price advisory amo ang Petron Corp. nga magapanubo sang presyo sang gasolina sa P4.43 kada litro, P20.89 kada litro sang diesel kag P8.50 kada litro sang kerosene.
Samtang ang Shell naman ang magapanubo sang presyo sang gasolina sa P6.50 kada litro, P23 kada litro sang diesel kag P11.50 kada litro sang kerosene.
Magasugod ang mga pagbag-o sa presyo alas-6:00 subong nga aga sang Martes, Abril 14.
Gin-anunsyo sang Department of Energy (DOE) sang nakaligad nga adlaw ang posible nga rollbacks sa subong nga semana sa P4.43 kada litro sang gasolina, P20.89 kada litro sang diesel kag P8.50 kada litro sang kerosene.
