Presyo sang Diesel, nagpanaog sang P24.94 kada litro; Gasolina, nagnubo sang P3.41

Ikalipay sang mga motorista ang dako nga rollback sa presyo sang langis nga subong nga Martes, kun sa diin maganubo ang presyo sang diesel sang masobra P24 kada litro.

Sa isa ka abiso, gin-anunsyo sang Shell Pilipinas Corp. nga magapanubo sila sa presyo sang diesel sa P24.94 kada litro, samtang ang gasolina naman ang maganubo sa P3.41 kada litro kag P2.00 kada litro naman ang mabuhin sa kerosene.

Magasugod ang mga pagbag-o sa presyo alas-6:00 subong nga aga sang Martes, Abril 21.

Madumduman nga sang nakaligad nga semana, gin-anunsyar ni President Ferdinand Marcos Jr. ang posible nga rollback sa subong nga semana sa presyo sang diesel sa P24.94 kada litro, P3.41 kada litro sang gasolina, kag P2.00 kada litro sang kerosene.