Epektibo na subong nga aga ang major price hike sa presyo sang produktong petrolyo kag ginmarkahan ang ika-11 nga asod-asod nga semana sang pagsaka sang presyo kun sa diin nagadangat na sa P84.55 ang kada litro sang gatong sa pila ka mga lugar s apungsod.
Sa separado nga advisories nga ginpagwa Lunes sang hapon, ginpahayag sang Chevron Philippines Inc. (Caltex), Flying V, Petron Corporation, kag Seaoil Philippines Inc. nga magapasaka sila sang presyo sa kada litro sang gasolina sa P7.10 samtang P13.15 sa diesel kag P10.50 sa kerosene.
Gin-implementar sang Cleanfuel, PTT Philippines Corporation, kag Unioil Petroleum Philippines Inc. ang kaangay nga pagbag-o, magluwas lamang sa kerosene nga wala nila ginadala.
Ang pagbag-o ang nagtake-effect alas 12:01 sang kaina sang kaagahon lunsay para sa Caltex kag Cleanfuel kag alas 6:00 naman subong nga aga para sa nabilin nga mga firms.
Sa latest data sang Department of Energy, ang year-to-date adjustments ang nagatindog sa total net increase nga P13.25 sa kada litro sang gasolina, P17.50 sa kada litro sang diesel kag P11.40 sa kada litro sang kerosene as of March 8, 2022.
SA ATON NGA FOREIGN EXCHANGE RATE:
P52.26 ang kambyo sang US dollar
P6.67 ang HONG KONG dollar
P38.32 ang SINGAPOREAN dollar
P13.93 ang SAUDI ARABIAN riyal
P57.06 ang EURO
ANG AVERAGE NGA PRESYO SANG PRODUKTONG PETROLYO
GIKAN SA CALTEX, SHELL KAG PETRON STATIONS:
UNLEADED – 71.29 – 71.90
PREMIUM – 71.45 – 72.65
DIESEL – 64.29 – 74.08
