Madugangan naman ang kabudlayan sang mga motorista matapos gin-anunsyar sang fuel retailer ang panibag-o nga pagsaka sang presyo sang produktong petrolyo.
Sa magkatuhay nga advisories, ginpahayag sang Seaoil Philippines Corp. kag Shell Pilipinas Corp. ang pagpasaka sang P2.21 sa kada litro sang gasolina kag P2.66 naman sa kada litro sang diesel.
Samtang, nagnubo naman ang presyo sang kerosene sa P3.53 kada litro.
Ginpatuman man sang Unioil Petroleum Philippines Inc. ang mga pagbag-o sa presyo luwas sa kerosene nga wala sa ila produkto.
Nag-umpisa ang mga pagbag-o sa presyo alas-6:00 sang aga subong nga Martes, May 5.
Una na nga nagpaandam si Energy Secretary Sharon Garin nga may pagsaka sang presyo subong nga semana bangud sa balor sang Philippine peso nga naglab-ot sa record nga intraday low nga P61.75 ang kada dolyar sang nagligad nga Huwebes kag nagsirado sa P61.57 kada dolyar sang Miyerkules.
